BANKS

Back | Next

OTRO record di “MEGA FIESTA” DI ARUBA BANK

Agencianan di auto a bende nan stock di auto te na April 2010

ORANJESTAD, Aruba - 26 di October 2009: Aruba definitivamente tabata contagia cu e keintura di MEGA Fiesta di Aruba Bank cu a tuma lugar diasabra ultimo riba e parkeerplaats na e edificio principal di Aruba Bank situa na Camacuri. For di leu caba e filanan di trafico yegando e edificio di  Aruba Bank na  e cantidad di bishitantenan cu tambe kier a yega na e MEGA Fiesta di Aruba Bank.

For di e momento cu Aruba Bank a anuncia nan MEGA Fiesta, por a pronostica caba cu e aña aki lo kibra otro record, ya cu un gran cantidad di prestamo a ser aproba durante di e dos simannan promer cu e evento MEGA Fiesta.

MEGA Fiesta  a conta cu presencia di un gran cantidad di hende presente, pa bin admira y scohe nan auto of bike na nan car of bike dealer preferi y pa haci uso di e mihor oferta pa prestamo di auto, nunca ainda ofreci den historia di prestamo di auto.

Hopi a bin gosa di e MEGA ambiente cu tabatin na Aruba Bank Camacuri cu animacion di e banda Privé. Tambe e muchanan a gosa hopi den e Kids Corner. Rotaract tambe tabatey presente cu nan stand di “Arubian Delights”, bendiendo varios sandwich, cual esun mas popular tabata sanger yena. E fondonan recouda lo ser duna pa un bon causa.

Tanto e car y bike dealernan tabata sumamente contento, ya cu e MEGA Deal di Aruba Bank a yudanan y hisa e benta di auto y bike den e ultimo cuartal di aña aki. Hasta na algun cardealer nan a bende nan stock di auto te na April 2010. Tur car y bike dealer tambe a decora nan showroom pa MEGA Fiesta y tambe a usa nan creatividad pa show nan modelonan di auto y bike den un manera atractivo y pa hala atencion durante MEGA Fiesta. Ademas di esaki cada un car of bike dealer a ofrece tambe descuento y ofertanan cu hunto cu e MEGA Deal di Aruba Bank a haci esaki e deal mas mihor ofreci pa prestamo di auto.

Banda di e MEGA Deal, di 5% di interes, cumpra bo auto awor y paga te na fin di Maart 2010 na 0% di interes durante di e lunanan di October 2009 y Februari 2010 y paga bo auto den 5 of maximalmente 6 aña, Aruba Bank tambe ta regala un auto HONDA Fit entre tur prestamonan aproba. E Honda Fit lo ser rifa dia 3 di November 2009 y lo anuncia e ganador den tur medionan di comunicacion.

Gerencia y personal di Aruba Bank ta sumamente contento con su hendenan a haci uso di e MEGA Deal y e ofertanan di e car y bike dealernan.

Aruba Bank ta gradici nos comunidad en general, nos MEGA clientenan en particular, nos medionan di prensa cu semper ta coopera cu nos, pa e MEGA participacion, sosten y confianza cu Aruba Bank a ricibi semper. Un danki grandi ta bai tambe pa Garage Centraal, Garage Cordia, Jossy Motors, Stern, Top Car, Ultimate Automobiles, R.E. Yrausquin & Sons, Big Twin y George Cycle cu semper a participa na nos MEGA Car Sale nan hunto cu nos. Ta boso tur a yuda nos haci nos MEGA, bo MEGA tambe, MEGA exitoso.